Saturday 15 August 2015

Celebrating Independence Day!

chalo kuch nahi toh azadi ka jashn mana lein
har saal jo karte aaye wo iss saal bhi dohra lein

unhattar saal ke ho gaye lekin bachpana nahi gaya
kuch din hue tumne hotel se kuch logon ko utha liya
unko police station mein pared karwayi, beizzat kiya
azadi ka toh tumne ye khoobsurat gul khila diya

mike pe diye bhasando ko nazarandaaz kar dete ho
facebook pe comment se tumne giraftaar kar liya
mere pahanaawe ko sanskriti pe khatra bana diya
azadi ka toh tumne ye khoobsurat gul khila diya

maine kisko pyar ke liye chuna uspe bhi aitraaz hai
kanoon mein usko jurm ka jaamaa pahna diya
kahne ko bahut kuch hai lekin kya kya kahun main
azadi ka toh tumne ye khoobsurat gul khila diya

chalo kuch nahi toh azadi ka jashn mana lein
har saal jo karte aaye wo iss saal bhi dohra lein






No comments:

Post a Comment